Related Articles
தூத்துக்குடி மாவட்டம் ஒட்டப்பிடாரம் காவல் நிலையத்தில் பணியாற்றி வந்த பெண் உதவி ஆய்வாளர் மற்றும் தனிப்பிரிவு காவலர் தொடர்பான சர்ச்சை, காவல்துறை வட்டாரங்களில் பரபரப்பை ஏற்படுத்தியுள்ளது. இருவருக்கும் இடையே முறைகேடான நெருக்கம் இருந்ததாக எழுந்த புகாரைத் தொடர்ந்து, அவர்கள் இருவரும் வேறு காவல் நிலையங்களுக்கு பணியிட மாற்றம் செய்யப்பட்டுள்ளனர்.
ஒட்டப்பிடாரம் காவல் நிலையத்தில் உதவி ஆய்வாளராக பணியாற்றி வந்த அருள்மொழி ஸ்ரீ குறித்து, அவரது கணவர் சதீஷ் மாவட்ட காவல் கண்காணிப்பாளர் அலுவலகத்தில் புகார் அளித்ததாக கூறப்படுகிறது.
அந்த புகாரில், தனது மனைவியின் செல்போனில் சக காவலரான விக்னேஷ் அனுப்பியிருந்த தனிப்பட்ட தகவல்கள் மற்றும் சில சர்ச்சைக்குரிய காட்சிகளை பார்த்து அதிர்ச்சி அடைந்ததாக சதீஷ் தெரிவித்துள்ளதாக கூறப்படுகிறது.
இதையடுத்து காவல்துறை தரப்பில் உள்ளக விசாரணை மேற்கொள்ளப்பட்டதாக தகவல்கள் வெளியாகியுள்ளன. விசாரணையில், அருள்மொழி ஸ்ரீ மற்றும் விக்னேஷ் இடையே நீண்டகால நெருக்கம் இருந்ததாக கூறப்படுகின்றது.
இந்த விவகாரத்தைத் தொடர்ந்து, மாவட்ட காவல் நிர்வாகம் உடனடி நடவடிக்கையாக இருவரையும் வேறு காவல் நிலையங்களுக்கு மாற்றி உத்தரவிட்டுள்ளது. அருள்மொழி ஸ்ரீ சூரங்குடி காவல் நிலையத்திற்கும், விக்னேஷ் மெஞ்ஞானபுரம் காவல் நிலையத்திற்கும் மாற்றப்பட்டுள்ளனர்.
மேலும், விக்னேஷ் மீது முன்பும் பல்வேறு புகார்கள் எழுந்ததாக காவல்துறை வட்டாரங்களில் பேசப்படுகிறது. குறிப்பாக பெண்களிடம் ஒழுங்கற்ற முறையில் நடந்து கொண்டதாகவும், பல முறை பணியிட மாற்றம் செய்யப்பட்டதாகவும் தகவல்கள் தெரிவிக்கின்றன.
இந்த சம்பவம் வெளிச்சத்துக்கு வந்த பிறகு, காவல்துறையின் ஒழுக்கம் மற்றும் உள்துறை கண்காணிப்பு குறித்து பொதுமக்கள் மத்தியில் கேள்விகள் எழுந்துள்ளன. குறிப்பாக, சம்பந்தப்பட்டவர்கள் மீது கடுமையான ஒழுங்கு நடவடிக்கை எடுக்காமல், வெறும் பணியிட மாற்றம் மட்டுமே செய்யப்பட்டிருப்பது குறித்தும் விமர்சனங்கள் எழுந்துள்ளன.
இந்த விவகாரம் தற்போது தூத்துக்குடி மாவட்டம் முழுவதும் பேசுபொருளாக மாறியுள்ளது.
