நடிகர் விஜய் நடிப்பில் இயக்குனர் லோகேஷ் கனகராஜ் இயக்கத்தில் உருவாகியுள்ள லியோ திரைப்படத்தின் டிரைலர் நேற்று வெளியானது.
இந்த ட்ரைலரில் இடம் பெற்றுள்ள வசனங்கள் குறித்து கடுமையான சர்ச்சைகள் ஏற்பட்டிருக்கிறது.
குடும்ப ரசிகர்களை அதிகம் பெற்றுள்ள நடிகர்களில் ஒருவர் நடிகர் விஜய்யும் ஒருவர். நடிகர் ரஜினிகாந்துக்கு பிறகு குடும்பங்கள் சகிதமாக படத்திற்கு செல்லும் ஒரு ஹீரோவின் படம் என்றால் அதை விஜய் படங்கள்தான்.
அப்படி இருக்கும் பொழுது இந்த படத்தில் இப்படியான கொச்சையான வார்த்தை.. பெண்களை இழிவு படுத்தும் விதமாக வசனங்கள் தேவையா..? என்ற விமர்சனம் எழுந்துள்ளது.
இந்நிலையில், கோவை தெற்கு தொகுதி சட்டமன்ற உறுப்பினரும் பாரதிய ஜனதா கட்சி பிரமுகருமான திருமதி வானதி சீனிவாசன் அவர்கள் லியோ ட்ரெய்லரை தன்னுடைய வீட்டில் உள்ள டிவியில் கண்டு ரசித்த புகைப்படம் ஒன்றை இணையத்தில் பதிவு செய்திருக்கிறார்.
இந்த புகைப்படம், நேற்று மாலை முதலே இணையத்தில் வைரலாகி வருகிறது. இந்நிலையில், இந்த ட்ரெய்லர் குறித்து உங்களுடைய கருத்து என்ன..? என்று அவருடைய பதிவின் கீழ் ரசிகர்கள் பலரும் கேள்விகளை எழுப்பி வருகின்றனர்.
ஆனால் இதுவரை ட்ரெய்லர் குறித்து திருமதி வானதி சீனிவாசன் அவர்கள் எந்த ஒரு விமர்சனத்தையும் பதிவு செய்யவில்லை என்பது குறிப்பிடத்தக்கது.