இந்தியாவின் பல்வேறு மொழிகளில் பல்வேறு தொலைக்காட்சிகளில் பிக்பாஸ் நிகழ்ச்சி நல்லா வரவேற்பு பெற்று இருக்கிறது. தமிழிலும் பிக் பாஸ் நிகழ்ச்சிக்கான தனி ரசிகர் பட்டாளமே இருக்கின்றது.
இதற்கு முக்கிய காரணம் உலகநாயகன் கமல்ஹாசன் இந்த நிகழ்ச்சியை தொகுத்து வழங்குவது தான்.
வேறு எந்த நடிகர் இந்த நிகழ்ச்சியை தொகுத்து வழங்கினாலும் இந்த அளவுக்கு ரசிகர்கள் மத்தியில் இந்த பிக் பாஸ் நிகழ்ச்சிக்கு வரவேற்பு கிடைத்திருக்குமா..? என்று கேட்டால் அது கேள்விக்குறி தான்.வாரம் முழுதும் பிக் பாஸ் பார்க்காத ரசிகர்கள் கூட வார இறுதி நாட்களில் கமல்ஹாசன் தோன்றக்கூடிய அந்த எபிசோடுகளை பார்த்து விடுவார்கள். அந்த அளவுக்கு, ரசிகர் மன்றத்தில் நல்ல வரவேற்பு பெற்றிருக்கக் கூடிய பிக் பாஸ் நிகழ்ச்சியின் ஏழாவது சீசன் தற்போது நடந்து கொண்டிருக்கிறது.
கடந்த ஒன்றாம் தேதி ஆரம்பமான இந்த நிகழ்ச்சி 18 போட்டியாளர்களுடன் கலை கட்டியிருக்கிறது. இந்நிலையில், முதல் வாரம் வெளியேறப் போவது யார்..? என்ற கேள்வி ரசிகர்கள் மத்தியில் எழுந்துள்ளது.
பெரும்பான்மையாக அனன்யா ராவ் தான் வெளியே செல்வார் என்று பேசி வந்தனர். இந்த வார எலிமினேஷன் லிஸ்டில் எழுத்தாளரும் நடிகருமான பவா செல்லதுரை, வெப் சீரிஸ் நடிகர் பிரதீப் ஆண்டனி, நடிகை அனன்யா ராவ், நடிகை ரவீனா தாஹா, ஐசு, பிரபல பாடகரும் நடிகருமான யுகேந்திரன் மற்றும் ஜோவிகா உள்ளிட்டா ஏழு பேர் எலிமினேஷன் பட்டியலில் இடம் பெற்று இருந்தனர்.
இந்நிலையில், ஸ்மால் பாஸ் வீட்டில் இருக்கக்கூடிய அனன்யா தான் இந்த வாரம் வெளியேறப் போகிறார் என்றும் அவருக்கு தான் குறைந்தபட்ச வாக்குகள் கிடைத்திருக்கிறது என்றும் தகவல்கள் வெளியாகின.
ஆனால், தற்பொழுது பாடகரும் நடிகருமான யுகேந்திரன் வெளியேறப் போகிறார் என்ற தகவல் வெளியாகி இருக்கிறது. இது குறித்து உண்மை தகவல் என்னவென்று ஆண்டவர் அந்த கார்டை எடுத்துக் காட்டினால் தான் தெரியவரும்.