லியோ : சென்னையில் அமைந்துள்ள ரோகிணி திரையரங்கம் நடிகர் விஜய் நடிப்பில் உருவாகியுள்ள லியோ படத்தின் டிரைலர் திரையிட்டு காட்ட ஏற்பாடு செய்திருந்தது.
இதற்காக தனியாக டிக்கெட் போட்டு விற்பனை செய்திருக்கிறது தியேட்டர் நிர்வாகம். ஆனால் டிக்கெட் எடுக்காத ரசிகர்களும் முண்டியடித்துக்கொண்டு திரையரங்குக்குள் நுழைந்தால் கூட்ட நெரிசலை கட்டுப்படுத்த முடியாமல் திணறியது தியேட்டர் நிர்வாகம்.இதனால், டிக்கெட் எடுத்த ரசிகர்கள் உள்ளே செல்ல முடியாமல் போனது. இது குறித்து டிக்கெட் எடுத்த ரசிகர்கள் ஏமாற்றமடைந்தனர்.
படத்தின் டிரைலரை ஓட்டி முடித்த பிறகு ஒட்டுமொத்த திரையரங்கில் உள்ள செர்களும் காட்டு யானை புகுந்த வாழைத்தோப்பு போல தரையோடு தரையாக ஆகி இருக்கிறது.ரசிகர்களின் இந்த செயலை பார்த்த பிறகு நல்ல வேலை ஆடியோ லான்ச் நடத்தவில்லை. இதனால் தான் ஆடியோ லாஞ்சை ரத்து செய்து விட்டார்கள் போல இருக்கிறது என்று இணையவாசிகள் பலரும் கருத்துக்களை பதிவு செய்து வருகின்றனர்.
மறுபக்கம் டிரைலரில் நடிகர் விஜய் ஆபாசமான வார்த்தைகளை பேசுகிறார் ஒரு வருங்கால முதல்வர் கனவில் இருக்கக்கூடிய ஒரு நடிகர் மிகப்பெரிய ரசிகர் பட்டாளத்தை வழி நடத்தக்கூடிய ஒரு நடிகர் இப்படியான வார்த்தைகளை படத்தில் உபயோகப்படுத்துவது.
காட்சியின் பரபரப்பு கூட்டுவதற்காக கெட்ட வார்த்தைகளை அந்த காட்சியில் சேர்ப்பது என்ன விதமான மனநிலை..? என்று பலரும் கேள்விகளை எழுப்பி வருகின்றனர் என்று திரைப்பட விமர்சகர் ப்ளூ சட்டை மாறன் நடிகர் விஜயை இது குறித்து கடுமையாக சாடி இருக்கிறார்.மறுபக்கம் ஒட்டுமொத்த திரையரங்கையும் துவம்சம் செய்து இருக்கிறார்கள் ரசிகர்கள் இது மிகப்பெரிய பரபரப்பை ஏற்படுத்தி இருக்கின்றது.