நடிகர் விஜய் நடிப்பில் உருவாகியுள்ள லியோ திரைப்படம் அடுத்த மாதம் உலகம் முழுதும் வெளியாக இருக்கிறது.
இந்நிலையில், லியோ திரைப்படத்தை கேரளாவில் வெளியிட தடை விதிக்க வேண்டும் என்று ட்விட்டர் தளத்தில் கேரள சினிமா ரசிகர்கள் ட்ரெண்ட் செய்து வருகின்றனர்.பொதுவாக அஜித் ரசிகர்கள் விஜய் ரசிகர்கள் இடையே நடைபெறும் சண்டை வழக்கமானது. ஆனால் சம்பந்தமே இல்லாமல் கேரளா ரசிகர்கள் எதற்காக லியோ படத்தை தடை செய்ய சொல்கிறார்கள் என்று பார்த்தால் சில விஜய் ரசிகர்கள் ஜெயிலர் திரைப்படத்தில் நடித்திருந்த நடிகர் மோகன்லாலையும் அவருடைய கதாபாத்திரத்தையும் கலாய்க்கும் விதமாக காரணமே இல்லாமல் கிண்டல் செய்து மீம்களை வெளியிட்டு இருக்கின்றனர்.
மட்டுமில்லாமல் நடிகர் விஜயின் காலுக்கு கீழே மோகன்லால் இருப்பது போன்ற புகைப்படங்களை எடிட் செய்து இணைய பக்கங்களில் பரவ விட்டிருக்கின்றனர்.
இதனை தொடர்ந்து ஒட்டுமொத்த கேரள சினிமா ரசிகர்களும் லியோ படத்தை கேரளாவில் தடை செய்ய வேண்டும் என்று இணைய பக்கத்தில் ட்ரெண்ட் செய்து வருகின்றனர்.சும்மா இருந்த சங்கை ஊதிக் கெடுத்தானாம் ஆண்டி என்பது போல இருக்கிறது இந்த செய்கை.
ஏற்கனவே ஜில்லா திரைப்படத்தில் நடிகர் விஜய்க்கு வளர்ப்பு தந்தையாக நடித்திருந்தார் நடிகர் மோகன்லால். இந்த திரைப்படம் ரசிகர்களுக்கு மத்தியில் நல்ல வரவேற்பு பெற்றது.
நடிகர் மோகன்லால், விஜய் ஆகிய இருவரும் மிகவும் நெருக்கமான நண்பர்கள். ஆனால் இப்படி ரசிகர்கள் இணைய பக்கங்களில் சண்டை போட்டுக் கொண்டு நடிகர் விஜயின் படத்தை கேரளாவில் தடை செய்ய வேண்டும் என்ற அளவுக்கு சென்று கொண்டிருக்கிறது என்பது வேதனையான விஷயமாக பார்க்கப்படுகிறது.