பிரபல யூட்யூபரும் தற்போது மஞ்சள் வீரன் எந்த திரைப்படத்தில் ஹீரோவாக நடித்து வருபவருமான TTF வாசன் மோசமான பைக் விபத்து ஒன்றில் சிக்கி இருக்கிறார். இது அவருடைய ரசிகர்களை சோகத்தில் ஆழ்த்தி இருக்கிறது.
தற்பொழுது மஞ்சள் வீரன் என்ற திரைப்படத்தில் கதாநாயகனாக நடித்து வருகிறார். நேற்று தன்னுடைய விலை உயர்ந்த மோட்டார் சைக்கிளில் சென்னையிலிருந்து மகாராஷ்டிரா மாநிலத்துக்கு புறப்பட்டு சென்றார்.சென்னை பெங்களூர் தேசிய நெடுஞ்சாலையில் வேலூர் நோக்கி சென்று கொண்டிருந்தார். காஞ்சிபுரம் அடுத்த பாலு செட்டி சத்திரம் என்ற பகுதியில் அதிவேகமாக சென்ற இவர் தன்னுடைய பைக்கில் வீலிங் செய்ய முயற்சி செய்தார்.
அப்பொழுது கட்டுப்பாட்டை இழந்த அந்த பைக் சாலையோர் தடுப்பில் வேகமாக மோதி TTF வாசனை தூக்கி வீசியது. பலமுறை குட்டிக்கரணம் அடித்து நின்ற பைக் ஒரு பக்கம்.. பறந்து சென்ற TTF வாசன் ஒரு பக்கம் என இந்த விபத்து கோரமாக நடந்து இருக்கிறது என்பது CCTV காட்சிகள் மூலம் தெரிய வந்துள்ளது.
இதனை தொடர்ந்து அந்த வழியாக சென்றவர்கள் படுகாயம் அடைந்த டி டி எஃப் வாசனை விட்டு காஞ்சிபுரம் அருகில் உள்ள மீனாட்சி மருத்துவமனை கல்லூரியில் அனுமதித்து இருக்கின்றனர். அந்தரத்தில் தூக்கி வீசப்பட்ட போதிலும் அவர் போதுமான பாதுகாப்பு கவச உடைகளை அணிந்திருந்ததால் உயிர் தப்பி இருக்கிறார்.
எனினும் கைப்பகுதியில் பலமான எலும்பு முறிவு ஏற்பட்டிருப்பதாக கூறப்படுகிறது. அதற்கு சிகிச்சை அளிக்கப்பட்டு மேல் சிகிச்சைக்காக சென்னை மருத்துவமனைக்கு அனுப்பி வைக்கப்பட்டு இருக்கிறார். இதனை தொடர்ந்து அவரை காண பலரும் அவருடைய இல்லத்தில் குவிந்து வருவதாக தகவல் வெளியாகி இருக்கின்றது.
விபத்தில் சிக்கிய TTF வாசன் வீடியோ காட்சி இதோ,