தமிழ் சினிமாவின் முன்னணி இயக்குனர்களில் ஒருவராக வலம் வருபவர் இயக்குனர் மணிரத்தினம். இவரின் திரைப்படங்கள் அனைத்தும் வித்தியாசமாக மக்களுக்கு பிடிக்கும் வகையில் இருக்கும்.அதிலும் இவரின் காதல் திரைப்படங்கள் சொல்லவே வேண்டாம். இவரின் மிகப்பெரிய கனவு திரைப்படம் பொன்னியின் செல்வன் இந்த திரைப்படத்தை ஒரு வழியாக அவர் எடுத்து முடித்து விட்டார்.
இதன் முதல் பாகம் கடந்த வருடம் வெளியான நிலையில் இரண்டாவது பாகம் ஏப்ரல் 28ஆம் தேதி திரையரங்குகளில் வெளியாகி உள்ளது.முதல் பாகத்திற்கு எந்த அளவுக்கு வரவேற்பு இருந்ததோ அதைவிட இரண்டு மடங்கு இந்த திரைப்படத்திற்கு வரவேற்பு இருக்கின்றது.முதல் பாகத்தில் ஒவ்வொரு கதாபாத்திரங்களும் அனைவராலும் ரசிக்கப்பட்டு மிகப்பெரிய அளவில் வசூல் சாதனை செய்தது. கல்கியின் வரலாற்று காவியமாக எழுதப்பட்ட பொன்னியின் செல்வன் நாவலை தழுவி இந்த திரைப்படம் எடுக்கப்பட்டுள்ளது.
இந்த திரைப்படத்தில் ராஜராஜ சோழனாக ஜெயம் ரவி நடித்துள்ளார். அதைத்தொடர்ந்து வந்தியத்தேவனாக கார்த்திக்கும், ஆதித்ய கரிகாலனாக விக்ரமும் , குந்தவையாக த்ரிஷா, நந்தினி கதாபாத்திரத்தில் ஐஸ்வர்யா என நடித்த அசத்தியுள்ளார்கள்.அது மட்டுமல்லாமல் பெரிய பழு வேட்டையராக சத்யராஜ், சிறிய பழு வேட்டையராக பார்த்திபன் நடித்திருக்கிறார்.
ஏகப்பட்ட பிரபலங்கள் நடித்துள்ள இந்த திரைப்படத்தின் முதல் பாகம் யாரும் எதிர்பார்க்காத அளவிற்கு வெற்றியை பெற்ற நிலையில் இரண்டாவது பாகம் தற்போது வெளியாகி உள்ளது.மேலும் இந்த திரைப்படத்திற்கு இசைப்புயல் ஏ ஆர் ரகுமான் இசை அமைத்துள்ளார். சமீபத்தில் படத்தின் ப்ரோமோஷன் காக ஜெயம் ரவி, கார்த்திக், விக்ரம், திரிஷா, ஐஸ்வர்யா லட்சுமி, சோபிதா ஆகியோர் அனைத்து ஊர்களுக்கும் சென்ற ப்ரோமோஷன் செய்து வந்தார்கள்.
இது தொடர்பான புகைப்படங்கள் அனைத்தும் இணையத்தில் வெளியாகி ரசிகர்கள் மத்தியில் வரவேற்பு பெற்றது.
இந்நிலையில் தற்போது பொன்னியின் செல்வன் முதல் பாகத்தின் அன்சீன் புகைப்படங்கள் இணையத்தில் வெளியாகி வைரலாகி வருகின்றது. இந்த புகைப்படங்கள் உங்களுக்காக இதோ…