Sunday, April 6, 2025
Homeசெய்திகள்ரோபோ ஷங்கர் பேரனுக்கு பெயர் சூட்டிய கமல்.

ரோபோ ஷங்கர் பேரனுக்கு பெயர் சூட்டிய கமல்.

ரோபோ ஷங்கரின் மகள் இந்திராஜாவின் குழந்தைக்கு நடிகர் கமல்ஹாசன் பெயர் சூட்டியுள்ளார். இது தொடர்பான புகைப்படங்கள் சமூக வலைதளங்களில் வைரலாகி வருகின்றன.

தமிழ் சினிமாவில் நகைச்சுவை கதாபாத்திரங்களில் நடித்து கவனம் பெற்றவர் ரோபோ ஷங்கர். இவரது மகள் இந்திரஜா. இவர், ‘பிகில்’ திரைப்படத்தின் மூலம் வெள்ளித்திரையில் அறிமுகமானவர்.

இவருக்கு கடந்த ஆண்டு கார்த்திக் என்பவருடன் திருமணம் நடைபெற்றது. திருமணத்திற்குப் பிறகு இந்திரஜா மற்றும் கார்த்திக் இருவரும் விஜய் டிவி நிகழ்ச்சி ஒன்றில் ஜோடியாகக் கலந்து கொண்டனர்.

அந்த நிகழ்ச்சியில் இவர்கள் கலந்துகொண்ட சில வாரங்கள் கடந்ததும் இந்திரஜா கர்ப்பமாக இருந்தார். இதனால் அந்த நிகழ்ச்சியில் பாதியிலேயே இந்திரஜாவும் அவருடைய கணவரும் வெளியேறிவிட்டனர். பின்னர் இந்த தம்பதிக்கு சமீபத்தில்தான் ஆண் குழந்தை பிறந்தது.

இந்நிலையில் இந்திரஜா – கார்த்திக்கின் குழந்தைக்கு நடிகர் கமல்ஹாசன் ‘நட்சத்திரன்’ என்று பெயர் வைத்திருக்கிறார். இதனை இந்திரஜா- கார்த்திக் இருவரும் தங்களது இன்ஸ்டாகிராம் பக்கத்தில் பகிர்ந்திருக்கின்றனர்.

இது தொடர்பாக தம்பதியினர் தனது இன்ஸ்டாகிராம் பக்கத்தில் வெளியிட்டுள்ள பதிவில், “எங்களுடைய வாழ்க்கையின் அர்த்தமான எங்கள் மகனுக்கு உலக நாயகன் “நட்சத்திரன்” என பெயரிட்டு வாழ்த்தினார். உங்கள் அன்புடன் எங்கள் நட்சத்திரன் கார்த்திக்..” என்று நெகிழ்ச்சியாகப் பதிவிட்டிருக்கிறார்.

RELATED ARTICLES

LEAVE A REPLY

Please enter your comment!
Please enter your name here

- Advertisment -

Most Popular

Recent Comments