சென்னை நங்கநல்லூரில் அடுக்குமாடி குடியிருப்பு ஒன்று உள்ளது. இந்த குடியிருப்பில் வசித்து வந்த ஒரு தம்பதியின் மகள் வாசலில் உள்ள கேட்டை திறந்து மூடிய போது கேட் சரிந்து விழுந்து விபத்து ஏற்பட்டது.சிறுமி பள்ளி முடிந்து வீட்டிற்கு திரும்பி வந்த போது இந்த நிகழ்வு நடந்துள்ளது.
படுகாயமடைந்த சிறுமியை மருத்துவமனைக்கு அழைத்துச் சென்ற நிலையில், அவர் உயிரிழந்துவிட்டதாக டாக்டர்கள் தெரிவித்தனர். சிறுமி மீது கேட் சரிந்து விழுந்து உயிரிழந்த சம்பவம் தந்தை கண் முன்பே நடந்துள்ளது. இது தொடர்பான சி.சி.டி.வி., காட்சிகள் இணையத்தில் வைரலாகி கண் கலங்க வைத்துள்ளது.
