Friday, April 4, 2025
Homeவிமர்சனம்விஜய் தேவர்கொண்டாவின் கிங்டம் பட டீசர் வெளியீடு.

விஜய் தேவர்கொண்டாவின் கிங்டம் பட டீசர் வெளியீடு.

விஜய் தேவரகொண்டா நடிப்பில் உருவாகியுள்ள படத்துக்கு ‘கிங்டம்’ எனத் தலைப்பிடப்பட்டு ஃபர்ஸ்ட் லுக் மற்றும் டீசரை வெளியிட்டுள்ளது படக்குழு.’ஜெர்சி’ இயக்குநர் கெளதம் இயக்கத்தில் விஜய் தேவர்கொண்டா புதிய படமொன்றில் நடித்து வந்தார். இதன் படப்பிடிப்பு மும்முரமாக நடைபெற்று வந்தாலும், படம் பற்றிய எந்தவொரு தகவலும் வெளியாகாமல் படக்குழு பார்த்துக் கொண்டது. தற்போது இப்படத்துக்கு ‘கிங்டம்’ எனத் தலைப்பிடப்பட்டு ஃபர்ஸ்ட் லுக் மற்றும் டீஸரை வெளியிட்டுள்ளது படக்குழு.

’கிங்டம்’ டீஸருக்கு இணையத்தில் பெரும் வரவேற்பு கிடைத்துள்ளது. தமிழ் டீஸருக்கு சூர்யா, தெலுங்கு டீஸருக்கு ஜூனியர் என்.டி.ஆர், இந்தி டீஸருக்கு ரன்பீர் கபூர் ஆகியோர் பின்னணி குரல் கொடுத்திருக்கிறார்கள். டீஸரின் காட்சியமைப்புகள், சண்டைக் காட்சிகள், விஜய் தேவரகொண்டாவின் வசனம் என அனைத்திற்குமே பலரும் பாராட்டு தெரிவித்துள்ளனர்.

நாக வம்சி மற்றும் சாய் செளஜான்யா ஆகியோர் இணைந்து தயாரித்துள்ள படம் ‘கிங்டம்’. இதில் விஜய் தேவரகொண்டாவுக்கு நாயகியாக பாக்யஸ்ரீ போஸ் நடித்துள்ளார். இதன் ஒளிப்பதிவாளர்களாக ஜோமன் டி ஜான் மற்றும் கிரிஷ் கங்காதரன், இசையமைப்பாளராக அனிருத் ஆகியோர் பணிபுரிந்துள்ளனர். இப்படம் மே 30-ம் தேதி வெளியாகும் என படக்குழு அறிவித்துள்ளது.

RELATED ARTICLES

LEAVE A REPLY

Please enter your comment!
Please enter your name here

- Advertisment -

Most Popular

Recent Comments