சிபி சக்கரவர்த்தி இயக்கத்தில் சிவகார்த்திகேயன் நடிக்கவுள்ள படம் கைவிடப்பட்டுள்ளது.
சுதா கொங்கரா இயக்கத்தில் சிவகார்த்திகேயன் நடிப்பில் உருவாகி வரும் படம் ‘பராசக்தி’. இதனை டான் பிக்சர்ஸ் நிறுவனம் தயாரித்து வருகிறது. இப்படத்துக்கு இடையே ஏ.ஆர்.முருகதாஸ் படத்தினை முடித்துவிட்டு, சிபி சக்கரவர்த்தி படத்தினை தொடங்க முடிவு செய்திருந்தார் சிவகார்த்திகேயன். இதில் சிபி சக்கரவர்த்தி படத்தினை பேஷன் ஸ்டூடியோஸ் நிறுவனம் தயாரிப்பதாக இருந்தது.
தற்போது சிவகார்த்திகேயன் – சிபி சக்கரவர்த்தி இருவருக்கும் கருத்து வேறுபாடு ஏற்பட்டு பிரிந்து விட்டதாக தகவல்கள் வெளியாகியுள்ளன. இதனால் இப்படம் நடைபெறாது என்கிறார்கள் திரையுலகில். தற்போது சிபி சக்கரவர்த்திக்கு பதிலாக வேறொரு இயக்குநரை பேஷன் ஸ்டூடியோஸ் நிறுவனம் தேடி வருகிறது. சிபி சக்கரவர்த்திக்கு பதிலாக அஹ்மத்திடம் கதை கேட்டிருக்கிறார்கள். அவரும் சிவகார்த்திகேயனை சந்தித்து கதையொன்றை கூறியிருக்கிறார்.
விரைவில் பேஷன் ஸ்டூடியோஸ் தயாரிப்பில் சிவகார்த்திகேயன் நடிக்கும் படத்தின் இயக்குநர் யார் என்பது விரைவில் தெரியவரும். சிபி சக்கரவர்த்தி இயக்குநராக அறிமுகமான ‘டான்’ படத்தில் நாயகனாக நடித்தவர் சிவகார்த்திகேயன். லைகா நிறுவனம் தயாரிப்பில் வெளியான இப்படம் மாபெரும் வரவேற்பைப் பெற்றது குறிப்பிடத்தக்கது.
