நடிகர் விஜய் நடிப்பில் இயக்குனர் லோகேஷ் கனகராஜ் இயக்கத்தில் உருவாகியுள்ள லியோ படத்தின் இரண்டாவது பாடல் வெளியாகி இருக்கிறது.
இசையமைப்பாளர் அனிருத் இசையில் வெளியாகி உள்ள இந்த பாடல் Badass என்ற தலைப்பில் வெளியாகியிருக்கிறது.இந்த படத்தில் நடிகர் விஜய் கதாபாத்திரத்தின் பெயர் லியோ தாஸ் என்று தெரிய வருகிறது. இந்த பாடலுக்கு இசையமைத்து பாடியும் இருக்கிறார் அனிருத்.
பாடல் ஆசிரியர் விஷ்ணு எடவன் இந்த பாடலை எழுதி இருக்கிறார். நடிகர்கள் அர்ஜுன், சஞ்சய் தத் உள்ளிட்ட ஒரு முக்கியமான கதாபாத்திரத்தில் நடித்துள்ள நிலையில் இந்த திரைப்படம் அக்டோபர் மாதம் 19ஆம் தேதி வெளியாக இருக்கிறது.இந்நிலையில், இந்த இரண்டாவது பாடலில் இடம் பெற்றுள்ள பாடல் வரிகள் ஆளும் கட்சி தரப்புக்கு குட்டு வைப்பதாக அமைந்திருக்கிறது என விமர்சனங்கள் ஏழுந்திருக்கிறது.
அதாவது, ஒரசாம ஓடிடு.. வால சுருட்டிடு போன்ற வரிகள் இடம்பெற்று இருக்கின்றன. மேலும், பெரும்புள்ளிக்கு முற்றுப்புள்ளி எழுதி.. குடல் உறுவுர சம்பவம் உறுதி.. என்ற பாடல் வரிகள் இடம் பெற்று இருக்கின்றன.இது இணைய பகுதியில் விவாதத்தை கிளப்பி விட்டிருக்கிறது.