நடிகர் விஜய் நடிப்பில் இயக்குனர் லோகேஷ் கனகராஜ் இயக்கத்தில் உருவாகியுள்ள லியோ திரைப்படம் வரும் அக்டோபர் 19ஆம் தேதி உலகம் முழுதும் வெளியாக இருக்கிறது.
இந்த படத்தின் இசை வெளியீட்டு விழா இன்று நடக்க இருந்தது ஆனால் பாதுகாப்பு குறைபாடு மற்றும் அதிகப்படியான ரசிகர்கள் வருகை தர டிக்கெட் கேட்கவே அதனை பட குழுவால் கொடுக்க முடியவில்லை என்ற சில பல காரணங்களை கூறி ஆடியோ வெளியீட்டு நிகழ்ச்சியை ரத்து செய்தது படக்குழு. இது ரசிகர்களை ஏமாற்றத்தில் ஆழ்த்தியது.
இந்நிலையில், இந்த படத்தில் நடிகர் விஜய்யின் பெயர் என்ன என்று சமீபத்திய பாடல் மூலம் ரசிகர்களுக்கு தெரிய வந்தது.
லியோ படத்தின் நான் ரெடி தான் வரவா..? என்ற பாடல் மிகப்பெரிய ஹிட் அடித்தது. அதனை தொடர்ந்து சில தினங்களுக்கு முன்பு BADASS என்ற பாடல் வெளியானது.
இதில் நடிகர் விஜயின் கதாபாத்திரத்தின் பெயர் லியோதாஸ் என்று ரசிகர்கள் தெரிய வந்தது. ஏற்கனவே இரண்டு கதாபாத்திரங்களை அந்தந்த கதாபாத்திரங்களில் நடித்த நடிகர்களின் பிறந்தநாள் அன்று க்ளிம்ப்ஸ் வீடியோவாக படக்குழு வெளியிட்டு இருந்தது.
அதன்படி நடிகர் சஞ்சய் தத் நடித்துள்ள கதாபாத்திரத்தின் பெயர் ஆண்டனி தாஸ். நடிகர் அர்ஜுன் நடித்துள்ள கதாபாத்திரத்தின் பெயர் ஹரோல்டு தாஸ் அதனை தொடர்ந்து நடிகர் விஜய் நடித்துள்ள கதாபாத்திரத்தின் பெயர் லியோ தாஸ்.
இப்படி கதாபாத்திரங்களின் பெயர் தாஸ் என்று முடிவதால் மூன்று பேருக்கும் ஒரே தந்தை என்று ரசிகர்கள் கணித்திருக்கின்றனர். அதன்படி, மூன்று பேரும் சகோதரர்களாக இந்த படத்தில் நடித்திருப்பார்களோ..? என்ற சந்தேகம் எழுந்திருக்கின்றது.
ஏற்கனவே, வாரிசு திரைப்படத்தில் நடிகர் விஜய் இரண்டு நடிகர்களுடன் அண்ணன் தம்பி கதாபாத்திரத்தில் நடித்திருந்தார்.
நடிகர் மேகா ஸ்ரீகாந்த் ஜெய் ராஜேந்திரன் என்ற கதாபாத்திரத்திலும் நடிகர் விஜய், விஜய் ராஜேந்திரன் என்ற கதாபாத்திரத்திலும் நடிகர் ஷாம் சஞ்சய் ராஜேந்தர் என்ற கதாபாத்திரத்திலும் நடித்திருந்தனர்.
இதனை ஒப்பிட்டு பார்த்த ரசிகர்கள் என்ன வாரிசு வாடை அடிக்குது என்று கலாய் மீம்களை பறக்க விட்டு வருகின்றனர்.