நடிகர் விஜயின் மகன் ஜேசன் சஞ்சய் சினிமா இயக்குனராக அவதாரம் எடுக்க இருக்கிறார். முன்னதாக திரைப்படங்களில் ஹீரோவாக நடிப்பார் என்று எதிர்பார்க்கப்பட்டது.ஆனால் முதலில் படத்தில் இயக்குனராக அறிமுகமாக முயற்சி செய்து கொண்டிருக்கிறார் ஜேசன் சஞ்சய்.
வருங்காலங்களில் ஹீரோவாக நடிக்கும் வாய்ப்பு இருப்பதாகவும் தகவல்கள் தெரிவிக்கின்றன. இந்நிலையில், தன்னுடைய முதல் படத்தின் பணிகளை ஆரம்பித்திருக்கிறார்.
இந்த படத்தை மிகப்பெரிய பொருட்செலவில் லைக்கா நிறுவனம் தயாரிக்க இருக்கிறது. இந்நிலையில் இந்த படத்தின் ஹீரோவாக யார் நடிப்பார் என்ற கேள்வி ரசிகர்கள் மத்தியில் எழுந்து இருக்கின்றது.
இந்நிலையில் அந்த கேள்விக்கு விடை கிடைத்திருக்கிறது. நடிகர் ஜீவா இந்த படத்தில் ஹீரோவாக நடிக்க இருக்கிறார் என்று கூறப்படுகிறது. நடிகர் விஜய் சேதுபதி முக்கியமான கதாபாத்திரத்தில் நடிக்க இருக்கிறார் என்றும் ஹீரோயினுக்கான தேடுதல் வேட்டை நடந்து வருகிறது என்று கூறப்படுகிறது.
ஆக்சன் திரில்லர் ஜானரில் உருவாகியுள்ள இந்த திரைப்படம் ஒரு டார்க் காமெடி திரைப்படமாகவும் இருக்கும் என விவரம் அருந்த வட்டாரங்கள் கூறுகின்றன. நடிகர் விஜய் அவர்களின் மகன் இயக்க உள்ள இந்த திரைப்படம் என்பதால் இந்த படத்தின் மீது இயற்கையாகவே எதிர்பார்ப்பு எகிறி இருக்கிறது.
இந்த எதிர்பார்ப்பை பூர்த்தி செய்வாரா நடிகர் விஜயின் மகன் ஜேசன் சஞ்சய் என்பதை பொறுத்திருந்துதான் பார்க்க வேண்டும்.