BIGG BOSS 3 Tamil: வெளியேறும் நபரை அறிவித்த கமல், அழுது கொண்டே சென்றார் மோகன் வைத்தியா

பிக்பாஸ் 3 நிகழ்ச்சி கடந்த ஜுன் மாதம் முதல் ஒளிபரப்பாகி வருகிறது. 100 நாட்கள் நடைபெறும் இந்நிகழ்ச்சி தற்போது 25 நாட்களைக் கடந்துள்ளது. இரண்டாவது வார இறுதியில் பிக்பாஸ் வீட்டிலிருந்து முதல் நபராக வெளியேற்றப்பட்டார் பாத்திமா பாபு. அவரைத் தொடர்ந்து நடிகை வனிதா விஜயகுமாரும் வெளியேற்றப்பட்டார்.

இந்தவாரம் வெளியேற்றப்படுவோரின் பட்டியலில், மோகன் வைத்யா, மீரா மிதுன், சரவணன், ஷெரின் அபிராமி ஆகியோர் இருந்தனர்.

Mohan Vaithya in Bigg Boss3

பிக்பாஸ் நிகழ்ச்சியின் வாரயிறுதி நாட்கள் வழக்கப்படி நடைபெற்ற எலிமினேஷனில், குறைவான வாக்குகளை பெற்றதை காரணம் காட்டி மோகன் வைத்தியா வீட்டிலிருந்து வெளியேற்றப்பட்டார்.

இன்றைய பிக்பாஸ் நிகழ்ச்சி கமல்ஹாசனின் காரசாரமான விமர்சனங்களுடன் தொடங்கியது. தன் மீது பல தரப்பட்ட வகையில் விமர்சனங்கள் வைக்கப்படுவதாகவும், ஒரு அரசியல் கட்சித் தலைவர் இப்படியொரு நிகழ்ச்சியில் தொகுத்து வழங்கலாமா என்பன போன்ற கேள்விகள் கேட்கப்படுவதாக அவர் முன்னுரையில் பேசினார்.

அதை தொடர்ந்து நிகழ்ச்சியில் இரண்டு நேயர்கள் தொலைப்பேசி வாயிலாக இணைந்தனர். அவர்கள் ரேஷ்மா மற்றும் மீராவிடம் கேள்விகளை முன்வைத்தனர். நேயர்களின் கேள்விகளுக்கு ஒருவாரியாக பேசி சமாளித்தனர் மீரா மற்றும் ரேஷ்மா.

பிறகு நிகழ்ச்சியில் சேரன், மீரா, ரேஷ்மா, அபிராமி மற்றும் கவினை பற்றி மற்ற போட்டியாளர்கள் பேசியதை சொல்லி அவர்கள் யார் என்று கண்டுப்பிடிக்க வேண்டும் என கமல் ஒரு டாஸ்க் வழங்கினார். அதில், சேரன் மட்டும் கண்டுப்பிடித்தார். மற்றவர்கள் சொதப்பினர். எனினும், இந்த டாஸ்க் போட்டியாளர்களிடையே கலக்கத்தை ஏற்படுத்தியது.

அதை தொடர்ந்து எலிமினேஷனுக்கான அறிவிப்பை கமல் வெளியிட்டார். அதில், மோகன் வைத்தியா பிக்பாஸ் வீட்டில் இருந்து வெளியேற்றப்படுவதாக அறிவிக்கப்பட்டது. மற்ற போட்டியாளர்கள் எலிமினேட் ஆகி சென்றாலே பிழிய பிழிய அழும் மோகன் வைத்தியா, தான் வீட்டை விட்டு வெளியேறுகிறோம் என்றதும் துடித்துவிட்டார்.

எனினும், தன்னுடைய வெளியேற்றம் சாண்டி, கவினால் நிகழ்ந்தது என மிகவும் சோகத்துடன் கூறினார். இதற்கு அவர்கள் இருவரும் மோகன் வைத்தியாவிடம் மன்னிப்பு கோரினர். எனினும், அதை ஏற்காது அவர் இருந்தார். பிறகு மீராவிடமும் கோபத்தை காட்டினார். எனினும், வீட்டை விட்டு வெளியேறும் தருவாயில் அனைவரிடமும் பிரியாவிடைப் பெற்று சென்றார்.

கமலை சந்தித்த மோகன் வைத்தியா, சோகத்தை மறந்து மகிழ்ச்சியாக இருந்தார். பிக்பாஸ் ஸ்டூடியோவில் இருந்து, வீட்டில் இருக்கும் சாண்டி உள்ளிட்ட போட்டியாளர்களுடன் அவர் நேரடியாக பேசினார். தன்னை மிகவும் சந்தோஷமாகவும், கோபமாகவும் தன்னை காட்டிக்கொண்டார் மோகன் வைத்தியா.

பிக்பாஸ் வீட்டில் இருந்த அனைவருடனும் அகம் டிவி வழியே அவர் பேசினார். பிக்பாஸ் வீட்டையும், சாண்டி உள்ளிட்ட போட்டியாளர்களையும் எப்போதும் நினைத்துக் கொண்டே இருப்பேன் என்று மேடையில் பேசினார் மோகன் வைத்தியா. அனைவருக்கும் வாழ்த்துக்களையும், நன்றிகளையும் அவர் தெரிவித்தார்.

அதை தொடர்ந்து பிக்பாஸ் வீட்டுக்குள் நடைபெற்ற உரையாடலில், மோகன் வைத்தியா எலிமினேட் ஆனதை நினைத்து சாண்டி மற்றும் கவின் இருவரும் வருத்தப்பட்டனர். அப்போது சேரன் வெளியேறினால் என்ன பாட்டு பாடலாம் என அவர்கள் இருவரும் முயற்சித்து பார்ப்பதுடன் நிகழ்ச்சி நிறைவு பெற்றது.

Leave a Reply

Your email address will not be published. Required fields are marked *

scroll to top