நடிகர் விஜய் நடிப்பில் உருவாகியுள்ள லியோ திரைப்படம் நாடு முழுதும் அக்டோபர் 19ஆம் தேதி ஆரவாரமாக வெளியாக இருக்கிறது.
சமீப காலமாக நடிகர் ரஜினிகாந்த் மற்றும் நடிகர் விஜய் ரசிகர்களிடையே நிலவி வரும் கருத்து மோதல் மற்றும் ஜெயிலர் படத்தின் அதிரி புதிரி வெற்றி மற்றும் இமாலய வசூல் சாதனை ஆகியவற்றை முறியடிக்க வேண்டும் என்ற பந்தயத்தில் லியோ திரைப்படம் வெளியாக இருக்கிறது.
இந்த பந்தயத்தில் லியோ திரைப்படம் சாதிக்குமா..? என்பதை பொறுத்திருந்துதான் பார்க்க வேண்டும். தற்போது வரை, திரையரங்குகளில் மட்டும் 650 கோடி ரூபாயை வசூல் செய்து சாதனை படைத்திருக்கிறது ஜெயிலர் திரைப்படம்.
இந்த சாதனையை நடிகர் விஜய் முறியடிப்பாரா..? என்பதை பொறுத்திருந்து பார்க்கலாம். இந்நிலையில், நடிகை ஜோதிகாவை நடிகர் விஜய் நடிப்பில் உருவாகுள்ள அடுத்த படமான தளபதி68 படத்தில் முக்கியமான கதாபாத்திரத்தில் நடிக்க அணுகி இருக்கிறது படக்குழு.
மெர்சல் ரீகேப்..
அதன் பிறகு நடந்த கூத்துக்கள் கோலிவுட் வாசிகளை முகம் சுழிக்க வைத்துள்ளது. அந்த கூத்துக்களை பார்க்கும் முன்பு.. ஒரு சின்ன ரீகேப் போய்விட்டு வந்துவிடலாம்..
நடிகர் விஜய் நடிப்பில் உருவான மெர்சல் திரைப்படத்தின் நடிகை நித்யா மேனன் நடிக்க வந்த கதாபாத்திரத்தில் முதலில் நடிக்க வந்தது வேறு யாருமல்ல நடிகை ஜோதிகா தான்.
இயக்குனருடைய கிரியேட்டிவிட்டிக்கும் என்னுடைய கிரியேட்டிவிட்டிக்கும் மாறுபாடு இருக்கிறது. அதனால் அந்த படத்தில் இருந்து விலகி விட்டேன் என அல்டாப்பாக பேட்டி கொடுத்திருந்தார் நடிகை ஜோதிகா.
ஆனால், மெர்சல் திரைப்படத்தில் நடிகை நித்யா மேனன் கதாபாத்திரம் ரசிகர்கள் மத்தியில் எந்த அளவுக்கு வரவேற்ப்பு பெற்றது என சொல்லி தெரிய வேண்டியதில்லை.
சந்திரமுகி 2
மறுபக்கம் நடிகர் ராகவா லாரன்ஸ் நடிப்பில் உருவாகிக் கொண்டிருக்கும் சந்திரமுகி படத்தின் இரண்டாம் பாகத்தில் சந்திரமுகியாக நடிக்க நடிகை ஜோதிகாவிற்கு தான் முதலில் அழைப்பு விடுக்கப்பட்டது. அதற்காக பெரிய சம்பளமும் பேசப்பட்டது.
ஆனால் சந்திரமுகி 2 பட குழுவிடமும் அதை சரி செய்ய வேண்டும் இதை சரி செய்ய வேண்டும் என கூறி சந்திரமுகி படவாய்ப்பையும் நழுவ விட்டார் நடிகை ஜோதிகா.
அந்த பட வாய்ப்பை அலேக்காக தட்டி சென்றார் நடிகை கங்கனா ரனாவத். சந்திரமுகி 2 படமும் விரைவில் திரைக்கு வர இருக்கிறது.
தளபதி 68-லும் அல்டாப்பு..
இந்நிலையில் நடிகர் விஜய்யின் நடிப்பில் உருவாகியுள்ள தளபதி 68 படத்தில் நடிக்க ஜோதிகாவை அணுகி இருக்கிறது படக்குழு. அப்போது நடந்த கூத்து படக்குழுவை அதிர வைத்துள்ளது.
தளபதி 68 படக்குழுவிடம் கதை என்ன..? என்னுடைய கதாபாத்திரம் என்ன..? என்று கேட்டறிந்த ஜோதிகா.. என்னுடைய கேரக்டரில் அது இருக்க வேண்டும்.. இது இருக்க வேண்டும் என மீண்டும் அல்டாப்பு காட்டி இருக்கிறார் நடிகை ஜோதிகா.
இதனை சற்றும் எதிர்பார்க்காத படக்குழு கடுப்பாகிவிட்டனர். உடனே, நடிகை ஜோதிகா நடிக்க இருந்த கதாபாத்திரத்தில் நடிக்க நடிகை சிம்ரனை கேட்டிருக்கின்றனர்.
உடனே OK சொன்ன சிம்ரன்..
விஜய் சார் படமா..? இதுக்கு மேல வேற என்ன வேணும்.. வேற எதுவும் சொல்ல வேண்டாம்.. என உடனே ஓகே சொல்லி இருக்கிறார் நடிகை சிம்ரன்.
நடிகை சிம்ரன் எத்தனையோ வெற்றி படங்களில் நடிகர் விஜய் உடன் ஜோடி போட்டு நடித்திருக்கிறார். நடிகை ஜோதிகாவை விடவும் அதிக புகழ் கொண்டவர்.
அப்படி இருக்கும் பொழுது விஜய் படம் என்றதும் கதை என்ன என்று கேட்காமல்.. சம்பளம் என்ன என்று கேட்காமல்.. அடுத்த நொடியே நடிக்க ஒப்புக்கொண்ட சிம்ரன் எங்கே இருக்கிறார்.
விஜய் படமாக இருந்தால் என்ன..? யார் படமாக இருந்தால் என்ன..? என்னுடைய கதாபாத்திரத்திற்கு அது வேண்டும் இது வேண்டும் என அல்டாப்பு செய்யும் ஜோதிகா எங்கே இருக்கிறார் என்று கோடம்பாக்க வாசிகள் முகம் சுழிக்கின்றனர்.
யாரு படமா இருந்தால் எனக்கென்ன..
ஒரு இயக்குனர் ஒரு நடிகைக்கு எவ்வளவு ஸ்கிரீன் ஸ்பேஸ் கொடுக்க வேண்டும்.. கதை என்ன.. திரைக்கதை என்ன.. என்பதை எல்லாம் முடிவு செய்துவிட்டு தான் ஒரு நடிகையை நடிக்க அழைப்பார்.
அந்த நேரத்தில், என்னுடைய கதாபாத்திரத்திற்கு மட்டும் அதிகப்படியான காட்சிகள் வேண்டும்.. இதை மாற்ற வேண்டும்.. அதை மாற்ற வேண்டும் என்றால் திரைககதையில் சொதப்பல் ஏற்பட்டு ஓட்டை விழுந்து விடும்.. திரைக்கதை சொதப்பினால் படமே சொதப்பி நாறிவிடும்.
இத்தனை நாட்களாக திரைப்படங்களில் நடித்துக் கொண்டிருக்கும் நடிகை ஜோதிகாவிற்கு இது கூட தெரியாதா..? என பலரும் கேள்விக்களை எழுப்பி வருகின்றனர்.