பாடலாசிரியர் வைரமுத்து பாரதிராஜாவின் நிழல்கள் படம் மூலம் அறிமுகமானார் .அந்த படத்தில் “இது ஒரு பொன்மாலைப் பொழுது” என்ற பாடல் மிகவும் பிரபலமானர் . அதன் பின்னர் வைரமுத்து பாடல் ஆசிரியராக தன்னை வளர்த்துக்கொண்டார். அவர் இளையராஜாவுடன் சேர்ந்து பல சூப்பர் ஹிட் பாடல்களை எழுதி உள்ளார்.ஒரு கட்டத்திற்கு மேல் இளையராஜாவிற்கும் வைரமுத்துக்கும் கருத்து வேறுபாடு காரணமாக அவரை விட்டு விலகினார் வைரமுத்து.
மேலும் இளையராஜாக்கும் , வைரமுத்துக்கும் இடையே உள்ள பிரச்சனை இன்றுவரை தீரவில்லை. நிழல்கள் திரைப்படத்தில் பாரதிராஜாவின் நண்பராகத்தான் வைரமுத்துக்கு அந்தப் பாடலை எழுத வாய்ப்பு கொடுத்துள்ளார் .மேலும் இளையராஜாவுடன் பிரச்சனை ஏற்பட்ட பிறகு பாரதிராஜாவின் கிழக்குச் சீமையிலே திரைப்படத்தில் தான் வைரமுத்து பாடல் எழுதினார் .அந்த திரைப்படத்திற்கு ஏ ஆர் ரகுமான் இசையமைத்திருந்தார் .அந்த படத்தில் அனைத்து பாடல்களையும் வைரமுத்து தான் எழுதியிருந்தார்.
மேலும் அந்தப் படத்தை கலைப்புலி எஸ் தாணு தயாரித்திருந்தார் .கலைப்புலி எஸ் தாணு கிழக்கு சீமையிலே படத்திற்கு பாடல்கள் எழுதியதற்காக பேமெண்ட் கொடுக்க வைரமுத்து வீட்டிற்கு சென்றுள்ளார் .அப்பொழுது 50,000 ரூபாய் சம்பளம் அவருக்கு கொடுத்தாராம் .அதனை வாங்கிக் கொண்ட வைரமுத்து பாரதிராஜா படங்களுக்கு பாட்டு எழுதியற்கு இதுவரை நான் பணம் வாங்கியதே இல்லை.ஆனால் அத்தனை படத்திற்கும் சேர்த்து இப்போ நீ கொடுத்து விட்டாய் , நீ ஒரு குட்டி தேவர் என்று வைரமுத்து கூறினாராம்.
எனக்கும் வைரமுத்துக்கும் பலமுறை நெருடல்கள் ஏற்பட்டுள்ளது என்று தாணு கூறினார் . ஒரு முறை வாலி பிறந்த நாளுக்காக தாணு ஒரு விளம்பரம் கொடுத்தாராம்.அந்த விளம்பரம் வாலியை மிகவும் கவர்ந்ததாம் . அதன் பிறகு வாலி தாணுவிடம் உன் படத்திற்கு நான் காசை வாங்க மாட்டேன் என்று கூறினாராம். சொன்னது போல் இறுதிவரை பணம் வாங்கவே இல்லை எனவும் மிகவும் மகிழ்ச்சியாக தாணு தெரிவித்தார்.